അപ്രതീക്ഷിതമായ് കിട്ടിയ സമ്മാനമായിരുന്നു എനിക്ക് ബൈബിള്. ബൈബിള് വാചകങ്ങള് എന്നും ഇഷ്ടപെട്ടിരുന്ന എനിക്ക് എന്റെ മനസറിയവുന്ന കൂട്ടുകാരി നല്കിയ ബൈബിള് എനിക്ക് എപോലോക്കെയോ സമാധാനവും സന്തോഷവും നല്കി. അതിലുപരി അവളുടെ ഓര്മകളും.എനിക്ക് ഈ ബൈബിള് സമ്മാനിച്ചിട്ട് കുറെ ഉപയോഗങ്ങളും പ്രയോഗങ്ങളും ഒക്കെ അവള് പറഞ്ഞു തന്നു. കൂടെ ഒരു രഹസ്യവും.
ക്രിസ്തീയ മത വിശ്വാസികളായ കുട്ടികളോട് മത പുരോഹിതരും മറ്റു മുതിര്ന്നവരും ബൈബിള് വായിക്കാന് പറയുമ്പോള് 'ഉത്തമ ഗീതം ഒഴികെ' എന്ന് കൂടി ചേര്ക്കാരുണ്ടാത്രേ. കുട്ടികള് അതൊന്നും ഇപ്പോളെ വായിക്കേണ്ട എന്ന് കരുതിയാവും. പക്ഷെ ആ ദിവസം ഞങ്ങള് ആദ്യമായ് ഈ ബൈബിള് തുറന്നു വായിച്ചത് ഈ ഉത്തമ ഗീതം തന്നെ ആയിരുന്നു. (വായിക്കരുത് എന്ന് പറയുമ്പോള് അത് വായിക്കാനുള്ള ആഗ്രഹം കൂടാറില്ലേ??? അതുതന്നെ!!!)
മോഹന്ലാലിന്റെ നമ്മുക്ക് പാര്ക്കാന് മുന്തിരിത്തോപ്പുകള് എന്ന സിനിമയില് സോളമന്റെ ഡയലോഗുകള് ഉത്തമാഗീതത്തിലെ ആണെന് ആദ്യ വായനയില് എനീക്ക് മനസിലായി. സ്നേഹത്തെയും പ്രേമത്തെയും ഒക്കെ മനോഹരമായി വ്യക്യാനിച്ചിരിക്കുന്നു. ദൈവവും മനുഷ്യനും തമ്മിലുള്ള ബന്ധമായി മാത്രം വേണമെങ്കില് അതിനെ കണക്കാകാം. അതിനെക്കാള് ഉപരി ഒരു കാമുകനും കാമുകിയും തമ്മിലുള്ള വര്ത്തമാനമായും.
ചിരിപ്പിക്കുക മാത്രമല്ല ചിന്തിപ്പിക്കാന് കൂടി ഉതകുന്ന വാചകങ്ങള്. സ്നേഹത്തിന്റെയും പ്രേമത്തിന്റെയും ആഴവും അര്ത്ഥവും നന്നായി മനസിലാകാനും പൂര്ണതയിലെ ത്താനും ഉപകരിക്കുന്ന വാചകങ്ങള്. ഇന്നത്തെ ലോകം മറന്നു പോകുന്ന ചില സത്യങ്ങള്. അതാണ് ഉത്തമ ഗീതം. സോളമന് ആണ് ഗ്രെനഥ കര്ത്താവ്. ദൈവവും ദൈവജനങ്ങളും തമ്മിലുള്ള ബന്ധത്തെ പ്രേമബന്ധരായ സ്ത്രീയും പുരുഷനും തമ്മില്ലുള്ള സംഭാഷണ രൂപത്തില് അവതരിപിചിരിക്കുന്നു.
എനിക്ക് ഇഷ്ടപെട്ട ചില വാചകങ്ങള് ഇതാ....
*നിന്റെ ഹൃദയത്തില് മുദ്രയായും നിന്റെ കരത്തില് അടയാളമായും എന്നെ പതിക്കുക.
പ്രേമം മരണത്തെ പോലെ ശക്തമാണ്
അസൂയ ശവകുഴി പോലെ ക്രൂരവുമാണ്
അതിന്റെ ജ്വാലകള് തീ ജ്വലകളാണ് അതി ശക്തമായ തീജ്വാല
*ജല സണ്ചയങ്ങള്ക്ക് പ്രേമാന്ഗ്നിയെ കെടുതാനാവില്ല
പ്രവാഹങ്ങള്ക്ക് അതിനെ ആഴ്താന് കഴിയുകയുമില്ല
പ്രേമം വിലയ്ക്ക് വാങ്ങാന് സര്വ സമ്പത്തും കൊടുത്താലും അത് അപഹാസ്യമാവുകയെ ഉള്ളൂ.
*രാവിലെ നമ്മുക്ക് മുന്തിരി തോട്ടത്തിലേക്ക് പോകാം
മുന്തിരി മോട്ടിട്ടോ എന്ന് നോക്കാം
മുന്തിരിപൂക്കള് വിടര്ന്നോ എന്ന് നോക്കാം
മാതള നാരകം പൂവിട്ടോ എന്ന് അന്വേഷിക്കാം
അവിടെ വെച്ച നിനക്ക് ഞാന് എന്റെ പ്രേമം പകരാം
*ഞാന് എന്റെ പ്രിയന്റെതാണ്
എന്റെ പ്രിയന് എന്റെതും....
***എഴുതി കൂട്ടി വെച്ചിട്ട് കാലമേറെയായി.പക്ഷെ publish post option click എന്തോ ഒരു മടി. അങ്ങനെകാലം കുറെ കഴിഞ്ഞപോള് ഒരു ധൈര്യം . എങ്കില് ഇരിക്കട്ടെ എന്ന് ഞാനും.